الاميرات
اهلا وسهلا بك فى منتدى الاميرات اذا لم تكن مسجل فيسعدنا دخولك معنا التسجيل


انضم إلى المنتدى ، فالأمر سريع وسهل

الاميرات
اهلا وسهلا بك فى منتدى الاميرات اذا لم تكن مسجل فيسعدنا دخولك معنا التسجيل

الاميرات
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

اذهب الى الأسفل
nrmo
nrmo
الميزان
الحصان
عدد المساهمات : 635
عدد النقاط : 1433
العمر : 33
البلد : اسكندرية
العمل/الترفيه : طالبة جامعية

للحصول على شعر بدون تقصيف فى الصيف Empty للحصول على شعر بدون تقصيف فى الصيف

الأربعاء 22 يوليو - 18:40
--------------------------------------------------------------------------------

الشعر في الصيف مشكلة كل البنات.. "الشمس".. "الحر".. و"الرطوبة".. بتأثّر على الشعر.. طول الوقت شكله مرهق جدا.. أسهل حاجة بنعملها نغسل شعرنا ونربطه بأشكال مختلفة ونحط عليه إما "سيرم" أو "جل" أو "زيت"..

ولو كنا محجبات بنكتفي بتغطية شعرنا وهو مبلل وخلاص..

بالطبع كل الحاجات دي غلط وبتأذي شعرنا على المدى البعيد بتخلي الشعر يتقصف ويتساقط ويفقد حيويته وشكله الصحي..

لازم نتعامل مع شعرنا صح.. نهتم إزاي نحافظ عليه من العوامل الخارجية..

وعشان نمشي صح الصح مصفف الشعر "أحمد لطفي" هيقدِّم لنا مجموعة من النصايح المهمة تساعدنا إزاي نحافظ على شعرنا في الصيف.. وخاصة لو نزلنا البحر أو حمام السباحة.. يعني هنصيف من غير مشاكل الشعر المزعجة.. يالا نبدأ..


علشان نحمي شعرنا من الشمس والبحر مهم جداً نستخدم يومياً حمام كريم معالج للشعر، ونكتفي بشطفه فقط بالمياه، وهو على فكرة متوفّر في الصيدليات وأماكن مختلفة المهم يكون الكريم ماركة معروفة لسلامة الشعر.


تجنبي حمامات الكريم ذات المكوّنات القوية؛ لأنها ممكن ترهق الشعر وكمان هي غير مخصصة للاستخدام اليومي ونقدر نميّزها بأنها بيكون مكتوب على العلبة إرشادات تنصح بغسل الشعر جيداً بعد استخدامه.


نغسل شعرنا مرتين في الأسبوع في الصيف ونستخدم شامبو خالي من الصوديوم.


في الصيف نغسل شعرنا بالمياه فقط يومياً ونحط عليه كريم معالج ونشطفه نص شطفة يعني نسيب آثار للكريم على شعرنا.


نتجنّب ربط الشعر بعد غسله مباشرة لازم ينشف ولو مستعجلين نستخدم السيشوار الخفيف أو "البيبي ليس".


البنات المحجبات بلاش ربط الشعر وتغطيته بعد الحمام لازم تهوية الشعر قبل ربط الإيشارب، واستخدام بندانا قطن تحت الإيشارب، وبعد لبس الحجاب لفترات طويلة لازم نفك الشعر علشان نهويه كويس جداً؛ للحفاظ عليه من التساقط وكمان عشان تكون ريحته حلوة.


الكريم المعالج كمان مهم للبنات المحجبات في الصيف.


الكيراتين هيخلي شعرك حلو في الصيف ومع الحر والرطوبة هيكون مظهره كويس باستمرار بدون سيشوار.


خلي بالك الكيراتين الأصلي ممتد المفعول وممكن تنزلي البحر أو حمام السباحة.. لكن الكيراتين المقلّد بيتعرف في البحر أو حمام السباحة.


تجنبي وضع "السيرم" أو "الزيت" على شعرك عشان بيقصف الشعر وبيزيد من تساقطه جداً، كمان بلاش الكريمات مجهولة الهوية حفاظاً على شعرك.


لو كان شعرك بيتعرض للشمس اختاري لون صبغة أغمق درجة من لونك المعتاد؛ لأن الشمس بتفتّح اللون.


تجنبي الأحمرات الفاقعة في الصيف عشان مع الشمس والحر بتقلب على درجات اللون البرتقالي والنحاسي.


ممكن تختاري في الصيف درجات اللون البني وتعملي خصلات غامقة بيكون شكلها جميل جداً.


البنت المحجبة تختار العكس، تختار درجة أفتح من المعتاد عشان تغطية الشعر مع الوقت بتغمّق اللون.


تجنبي الوجبات السريعة في الصيف؛ لأنها تزيد من تساقط الشعر، اهتمي بالفاكهة والخضار وشرب المياه.
avatar
دودى
عدد المساهمات : 29
عدد النقاط : 65

للحصول على شعر بدون تقصيف فى الصيف Empty رد: للحصول على شعر بدون تقصيف فى الصيف

الجمعة 7 أغسطس - 13:56
ميرسى يا قمر على النصائح الجامده دى
هجربها وهقولك النتيجه
[center]
snow white
snow white
المـديـر العـــام
المـديـر العـــام
الجوزاء
الحصان
عدد المساهمات : 4862
عدد النقاط : 9302
العمر : 33
البلد : اسكندرية
العمل/الترفيه : جامعى
المزاج : هادىء
https://elamerat.yoo7.com

للحصول على شعر بدون تقصيف فى الصيف Empty رد: للحصول على شعر بدون تقصيف فى الصيف

الجمعة 7 أغسطس - 18:02
شكرا نرمو على كلامك الجميل :afro:
avatar
????
زائر

للحصول على شعر بدون تقصيف فى الصيف Empty رد: للحصول على شعر بدون تقصيف فى الصيف

الأحد 23 أغسطس - 16:09
للحصول على شعر بدون تقصيف فى الصيف 861932
الرجوع الى أعلى الصفحة
صلاحيات هذا المنتدى:
لاتستطيع الرد على المواضيع في هذا المنتدى