اسباب مشاكل الشعر وحلها

فيه حاجات كتيرة غلط بتعملها البنات في شعرها
والحاجات دي بتسبب أضرار كتيرة جداً للشعر
علشان كده
حبيت النهارده أقول لكم
إيه هي الحاجات دي؟؟
وإزاي تتجنبوها؟!!

ليه شعري بيطول ببطء؟
المشكلة إن البنت ممكن تقص شعرها 10 سم مرة واحدة وتفتكر إنه هيطول بسرعة لإنها شالت التقصيف والشعر المجهد، وتكتفي بالقص وتهمل في شعرها فالطبيعى إنه يطول ببطء، وفي أوقات كتيرة يطول ويكون مقصف..

واللي أقصده بالإهمال هو استعمال شامبو غير مناسب أو استخدام السيشوار كتير أو استخدام مكواة "البيبى ليس" الغير مناسبة أو استعمال الزيوت والكريمات التى لا تتناسب مع طبيعة الشعر.
هل نوع "البيبي ليس" أو "مكواة الشعر الكهربائية" ممكن يأثر على الشعر؟
المكواة السيراميك أو أحيانا ما نسميه "بالبيبي ليس"، ممكن تؤذي الشعر لو كانت نوعيتها رديئة، وفيه أنواع مصنوعة في الصين نسبة السخونة بها مرتفعة وحادة جداً هذا النوع أنصح الجميع بالابتعاد عنه... أما النوع اللي بانصح به من "البيبي ليس" هي التي توضع على الشعر المبلول أو "الانفرا رد" وهي خفيفة على الشعر ولا تتسبب في تقصيف الشعر أو تساقطه.
هل استخدام خلطات من الزيوت ووضعها على شعر الأطفال مفيد في علاج الشعر وتحسين نوعيته؟
أنا ضد استخدام الزيوت مع الأطفال أو الكبار لإنه بيخلي الشعر ناشف جداً.. ولا أعترف بخلطات العطار "زيت الخروع واللوز والزيتون" وغيرها من الخلطات اللي بيوصفها العطار لعلاج تساقط الشعر كل ده غلط وممكن يؤذي الشعر... الحاجة الصح اللي المفروض كل بنت تعملها إنها تستخدم الكريمات المعالجة والاهتمام بالأكل الصحي "الفواكه والخضروات" وشرب المياة المعدنية.

إزاي نتعامل مع الشعر الأبيض؟
الشعر الأبيض ممكن يظهر في سن صغير وبيكون راجع لأسباب وراثية أو لنقص الصبغة في بصيلات الشعر أو من تكرار أنواع رديئة من الصبغات، وعلى العموم الشعر الأبيض لا يتقبل الألوان الفاتحة زي الأشقرات، والألوان الغامقة شكلها أفضل مع الشعر اللي فيه شعر أبيض كتير.. مؤخراً بدأت شركات عالمية للصبغة في إنتاج صبغة بتركيز أعلى فتعمل على تغطية الشعر الأبيض بكفاءة عالية.