الاميرات
اهلا وسهلا بك فى منتدى الاميرات اذا لم تكن مسجل فيسعدنا دخولك معنا التسجيل



منتدى شامل عام مجانى
 
الرئيسيةاليوميةس .و .جبحـثالتسجيلدخول

شاطر | 
 

 اكلات مصرية للحبايب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
snow white
المـديـر العـــام
المـديـر العـــام


الجوزاء
الحصان
عدد المساهمات : 4862
عدد النقاط : 9302
العمر : 26
البلد : اسكندرية
العمل/الترفيه : جامعى
المزاج : هادىء

مُساهمةموضوع: اكلات مصرية للحبايب   الجمعة 3 يوليو - 11:21

النهارده جايبالكم اكلات مصرية بس زي العسل تاكلوها من هنا وان شاء الله مش هتاكلو بعدها لمدة 9 اشهر






لا لا لا متخافوش مش علشان الاكل وحش لا سمح الله ولا علشان المقادير مش مضبوطه كل ما في الموضوع انكو هتحتاجو




تعملو ريجيم قاسي عارفين ليه









لان الاكل بجد بجد هيعجبكو






ومش هطول عليكو بس ابقو خلو بالكو وانتو بتعملو الاكل ابقو كلولي معاكم وانشاء الله يعجبكم






الفتة بالخل والثوووووم
المقادير علي حسب عدد الافراد اللي هيتفضلوا علي الغدا: لحم بالعظم ،ارز ،عيش (خبز محمص بالفرن) بس اوعي تحرقيه حمصيه بس،
صلصه طماطم ،1 حبه طماطم ،2فص ثوم مدقوق ناعم ،1 ملعقه خل، 2 بصل ،2ملعقه سمنه.......

الطريقه: نحط اللحمه في حله علي النار مع حب الهيل وبصله صغيره ورشه فلفل اسود وتترك علي النار حتي النضج طبعا اوعي تنسي تغسبي اللحمه علشان تبقا نضيفه .
وبعدين تجيبي حله تانيه علشان نعمل الرز الابيض، اظن عارفه الرز الابيض بيطبخ ازايلو مش عارفه اقولك على حاجه اريحلك(((( سيبي المطبخ وبلاش تطبخي ))))، ونجيب حله تالته ايوا مهو لازم نعمل حفة حلل ونقطع البصل حتت صغيره ونحمره في السمنه ونقشر حبه الطماطم ونضيفها الي البصل ونحمره شويه مع بعضوبعدين نحط علبه الصلصه ونخليها تتسبك علي النارلو مش عارفه (((((اسالي ماما يا حبيبتي ))))الله يكون في عونه اللي هيجوزك وبعدين ناخد شويه في حله صغيره من الصلصه بعد النضج ونضيف اليهم مقدار 3 اكواب من الشوربه بتاعه اللحم بعد ان تكون استوت وضبط الملح والتوابل عليها حسب الرغبه بلاش تكتري الملح علشان الاكل ميترميش في وشك
ثم نقطع الخبز بعد ان نكون حمصنه في الفرن واصبح لونه ذهبيا ((((( دهبي هااا مش اسود))))
اخضري طبق غويط او صنيه بايركس علي حسب ما تحبي تقدمي الفته
ضعي الخبر في الصنبه اوالطبق الكبير وصبي عليهم الصلصه المضاف اليها الشوربه ثم ضعي طبقه من الارز الابيض ثم ضعي طبقه من الصلصه المسبكه علي وجه الارز ثم قومي بتشويح اللحمه تشويحه خفيفه ( تحمير خفيف ممكن في نفس الحله التي تمت عمليه تسوبه اللحمه فيه بدون ان تضيف اي ماده دهنيه فقد ضيفي فلفل اسود ناعم وملح حسب الرغبه ثم قومي بتوزيع اللحمه في الصنبه واسكوبي باقي الصلصه المسبكه ثم في مقلي ضغيره قومي نتحمير الثوم وعند ما يحمر ضيفي اليه ملعقه الخل ثم ضيفي اليها شويه من الشوربه او الصلصه مقدار 3 ملاعق ثم ضفيهم الي الصنيه علي الوجه مع مراعاه ان تقومي بتوزيعهم علي كل الصنيه
افتكر مفيش اسهل من كدا صح لو مش عجباكي الاكله دي نشوفلك حاجه تانيه تعالي ورايا


لو عندكو بطاطس الاكله دي حتبقا حلوه ليكي قوي متقلقيش كل اللي هتعمليه انك تشوفي الطريقه والمكونات


يلا بيناااااا




محشى البطاطس باللحمه المفرومه

المقادير
كيلو من البطاطس المتوسطه الحجم ياريت تبقى مستطيله شويا
نصف كيلو لحم مفروم
2 بصله مفرومه
2 فص ثوم
2 ملعقه صلصه طماطم
حبتين طماطم مقطعه مكعبات صغيره
ملح فلفل اسود بهارات شطه

الطريقه

نبدء بتقشير البطاطس وحفرها بحيت نترك الجوانب بسمك 2 سم ((( خلي بالك هنحفرها من حته واحده مش حتتين واحفري بالراحه مش كانك بتدخلي صاروخ وخلي بالك انك بنوته رقيقه )))و نقلى البطاطس فى زيت لحد لونها ما يكوندهبي فاتح يعنى مش نسيبها تتحرق وتقفي تلعبي في شعرك ولا تتفرجي على المسلسل بس تدبل من الزيت ونضعها على فوط مطبخ علشان الزيت ولا انتي ناويه تاكليه طنية بطاطس بالزيت المهم
في حله تانيه نضع البصل المفروم يتشوح ونجركه حتى يصبح شفاف (الى تحب تضيف ملعقتين زيت براحتها ) اناافضل الطبخ بدون دهون لات اللحم فيه ما يكفى من الدهون واحنا مش ناقصين دهون كفايه هااا
ثم نضيف الثوم المفروم وبعده اللحم ونحرك مع اضافه البهارات والفلفل والملح
نغطى اللحم حتى يتشرب من السؤائل الى يفرزه اللحم
ثم اضيف اليه مكعبات الطماطم مع الصلصه والشطه ونتركها تستوى 10 دقايق حتى تجف كل السوائل من اللحمه
بعدها نحشى حبات البطاطس بخليط اللحم المفروم براحه خالص اوك

فى صنيه الفرن نضع ملعقتين زيت + بصله جوانج تتشوح ثم نضيف اليها قلب البطاطس تتقلب شوى ثم نضع لها الملح ونرص فوقها حبات البطاطس المحشيه وندخلها ربع ساعه الفرن وتقدم مع رز ابيض ربع ساعه بس مش لما تتحرق ايه رايك فيها لو مش هتعرفي تعمليها في حاجه تانيه مش مشكله تعالي ورايا









المعكـــــــــرونة المـفـلـــــــفـلـة
المقادير :
½ ك مكرونة مقصوصة أو لسان عصفور / 2 ملعقة كبيرة سمن أو حسب الحاجة / مرق اللي هو الشوربه( حوالى 2 كوب كبير ) / ملح / فلفل أسود .
الطريقة :
·يقدح السمن و تحمر المعكرونة فيه حتى يصفر لونها ( بنى فاتح )
·يغلى المرق أو الماء و يضاف للمعكرونة المحمرة مع الملح و الفلفل و تترك حتى تنضج
·ممكن إضافة مقدار آخر من الماء إذا إحتاج الأمر وهذا يختلف تبعا لنوع المعكرونة
·تغرف و تقدم .......
·ممكن يوضع معها لحم عصاج إثناء التقديم .

ملحــــــــــــــــوظة

1.بالنسبة للسان العصفور ممكن بعد تحميرة يستخدم مع الشوربة (شوربة لسان عصفور ) و ذلك بوضع قليل من الماء بدون ملح و تركه حتى ينضج تضاف إليه المرقة و الملح و تترك تغلى شويه معه حتى يتشرب منها شوية و بالهنا و الشفا ...
2.كذلك ممكن عمل صينية لسان عصفور باللحمة المفرومة تدهن صينية بالسمن و يوضع نصف مقدار لسان العصفور المحمر ثم يوضع طبقة من اللحم العصاج ثم باقى مقدار لسان العصفور و يسقى بالمرق و ممكن إضافة ملعقة صلصة أو عصير طماطم وكله حسب الرغبة و يدخل الفرن مع مراعاة تغطيه الوجه حتى لا ينشف فى الفرن و يترك حتى ينضج لسان العصفور ويقدم ...
3.لسان العصفور بالصلصة و هذا يعمل مثل المعكرونة العادية يعنى يسلق أولا ثم يضاف للصلصة

لو مش عاجباكي دي شوفي اللي بعدها تعبتيني معاكي



<<<<<>>>>> مكرونه بصوص الكارى <<<<>>>المقادير:
كيس مكرونه
قطع فراخ مسلوقه او لحم او سمك
معلقه زبده
بصله مقطعه شرائح
فصين ثوم مفروم
معلقتين كبار من مسحوق الكارى
ملح وتوابل
الطريقه:
نسلق المكرونه ثم فى طاسه على النار نضع معلقه الزبده ثم نشوح فيها شرائح البصل وفصين الثوم وشرائح الفلفل الرومى حتى يصير لونهم ذهبى نضيف عليهم مسحوق الكارى ثم نزود بعض الزبيب (( اختيارى )) نقلب ثم نضيف الملح والبهارات ونزود الخليط بكوب من الماء ثم نضع فيه الحم او الدجاج او السوق المسلوقين ((( كمان هلاضافه اختيارى)) ثم بعد ماتغلى جيدا نضيف عليها المكرونه المسلوقه . بس صدقيني الاكله دي متقوليش عليها لاي حد لانها بجد تحفه تحفه تجنن

طيب جربتي تعملي المكرونه النجرسكو اهي الطرقه جايالك:


<<<>>>> مكرونه نجــــــــــرسكو <<<<<<<>>>>
المقادير:
كيس مكرونه اللي هيا شرايطها عريضه بلاش فضايح
1/4 كيلو صدور فراخ
1/4 كوب مرقه سبق وقولتلك انها شوربه هاا
1/2 كوب لبن
بصله صغيره مفرومه ناعم
2 معلقه من الدقيق
2 معلقه من السمن
بهارات وملح وفلفل
الطريقه:
نسلق المكرونه بالطريقه العاديه عارفاها ولا ايه حكايتك يا صبرا يانا
ثم نضع البصل فى حله على النار مع اضافه السمن ثم نضيف اليه الدقيق ونقلب حتى يبدا لون الدقيق بالتغير نضع اللبن ونحرك سريعها ونضيف البهارات والملح ونحرك حتى يسمك القوام ثم اخففه باضافه المرق
فى حله تانيه نضع ملعقه سمن وعليها معلقه بصل مفروم ومعلقه ثوم ونقلبهم حتى يصير لونهم اصفر نضع صدور الدجاج المقطعه بعد تتبيلها بملح وبهارات ونحرك الفراخ اللي هيا الدياي اللي هو الججاج لحد ما تتشوح ثم نضع عليها معلقتين من صلصله البشامل الى عملناها قبل ثم نحركها وبعدها نضيف اليها المكرونه المسلوقه ونقلبهم ببعض ونضيف معلقتين بشامل الى المكرونه ثم نضع المكرونه فى صنيه مدهونه ونضع باقى البشمل على الوجه ونضيف على الوجه جبن رومى مبشور او صفار بيضه وتدخلها للفرن 10 دقائق
وممكن تضيفي للفراخ وهى بتستوى معلقه مسطرده (خردل )




اظن كدا كفايه عليكي لو عرفتي تعملي دول يبقا انتي كدا ست بيت ممتازه واضمنلك حياه ان شاء الله سعيد
واذا كنتي غير كدا فربنا يرحم شريك حياتك اللي هيعيش على الوجبات السريع


اتمنى ان الاكلات دي تعجبكو وبالهنا والشفا وقولولي ايه رايكم فيها واللي جربها يقولي ايه رايو فيها اكلات مصرية للحبايب
الرجوع الى أعلى الصفحة اذهب الى الأسفل
http://elamerat.yoo7.com
 
اكلات مصرية للحبايب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الاميرات :: ركن المطبخ :: اكلات شهية-
انتقل الى: